أصدقاء مدونتى الأعزاء
متتصوروش أد ايه انا سعيد انهارده وأنا بكتب التدوينه دي
شايفين أنا سعيد أد ايه؟؟هههههههههه
انهارده بيكون فات سنه كامله وقصائد مبعثره بينكم
طبعا أنا على بلوجر كمستخدم من قبلها .. لكن في يوم من السنه اللي فاتت
لقيت نفسي قاعد بعد الفجر ومروحتش الكليه .. وقلت لنفسي:
ما تعمل يا واد يا فلافيو (كان اسم الأكاونت ساعتها والاسم اللي اصحابي بينادوني بيه) مدونه وتجمع فيها كل اللي كتبته
قعدت وعملت مدونه واخترت شكل كويس وأضفت بعض الشغل عليه
وكانت المدونه ... قصائد مبعثره .. والتى (بدمع العين أكتبها)
بجد مش قادر أوصف لكم مدى سعادتي بمرور عام بينكم
وطبعا بالمناسبه دي .. أهديكم قصيده لسه مكتوبه انهارده
بصراحه وبيني وبينكم .. ملقيتش أي رد على الناس اللي علقت لي في معرض الكليه السنه دي وفي المعرض اللي نزلت فيه في تالته كليه .. إلا بالكلمتين دول
هما طلبوا منى وألحوا أن أكتب في مدح النبي -صلى الله عليه وسلم-
وبصراحه معرفتش ومش هاعرف
أسيبكم مع ... كم ساءلوني
كــــم ســــاءلـــونــي وصـف حـبي كـلما .... عــــلــمـوا بـأنــي قــد غــدوت مـتــيـمــا
فــي عـشـــق مـن مـلأ الـدنا مـن نـــوره ... وبـيـوم أسـرى قـد أفـاض عـلـى الـسمـا
من كــان نــبــراســا أتـى بــيــن الــورى .... بــرســـالـة ٍ حـتـى يُـفـــيـــق الــنـــوَّمــا
حـتـى يـزيـل غــشـاوة الـجـهـل الـــــــذي .... أضـحـى مـلـيـكـا ً لـلـعـقـول وخـَيـَّـمـــــا
مـن جـاء مـثـل الـنـبـع فــي صــحـرائـنـا.... لــيــفــيــض بــالإيــمــان حـتـى نـَسـلمــا
ونـتـوب لا نـعـصـى الإلـــه بــلــحــظــة ٍ .... إن َّ الــعــصــاة وقـــود نــار جــهـــنــمــا
مـن كـان كـالـقـــــــرآن فــي أخــلاقـــه .... وبـهــا تــــآلـــق لـلـعُــلا بـل قــد ســـمـــا
ولـهـا الـخـلائق فــاض مــنــها حـبــَّهـــا ... وحــنــيــنـهـا .. حــتــى الــجــماد تـكلـَّمــا
كـم سـاءلـونـي ادرأ بـقـولك وصف مــن ... جـهــل الــمــقــام عـلى الـحـبـيـب تهجـَّمـا
وادفـع بـمـدحـك ذمـهـم كــي يـعــلـمـــوا .... حـُـبُ الــرســول بـقـلـبـنـا يُـجـري الـدِمــا
أو قــل لــهـم قـــرآن ربــــي قــد أتـــــى .... فــي ســالــف الأزمــان حــتـى يُـكــرمــا
هـذا رســـول قــد خـــلــت مـــن قـبـلـــهِ .... رســلٌ أتــت أقــوامــهــا كـــي تــرحـمــا
فـهـو الـذي لـلـناس جـــاء مــخـلـِّـصــا ً ..... ومــبــشِّـــرا ً ومــشــفـَّـعـا ً ومـُعــلـِّـمــا
فـلـيـخـرســوا لــن تـنـتـقـصـه مـذمـــة ٌ ..... أو مــا يـــحـــاول جــاهــلٌ أن يـــرسـما
فـأجـبـتـهـم ... يـكـفـيـه أن الــلـــه فــــي عـــلــيــائـهِ ... صــلـَّـى عــلـيــه وســـلـَّـما
على أمل اللقاء .. محمود فرج أحمد
38 comments:
اولا انا اللى اسعد على فكره بوجود مدونتك دى على مدى سنه كانت فعلا سنه جميله اوى.وكمان انا من اوائل القراء عليها
يبقى انا من حقى هديه بقى ....فى انتظارها على فكره
كل سنه والمدونه وانت وكل اللى القراء بخير وان شاء الله عقبال ما تكبر كده وتتربى فى عزك وتدخلها احسن مدارس وتعلمها احسن تعليم ...بس بلاش طب الله يخليك
نيجى بقى للقصيده الروعه دى
فى منتهى منتهى الجمال
عجبتنى جدا جدا مش عارفه ليه فرحانه وانا بقراها ....ان شاء الله فى مبزان حسناتك يامحمود
اى نعم انت فضلت تكتب فيها بقالك فتره طويله
بس بجد طلعت بقصيده اكثر من رائعه
من كل الجوانب ...الفكره والكلمات والاحساس ....ربنا يبارك فيك يارب
مبروك مره تانيه مرور السنه الاولى
وتحياتى على القصيده المتميزه دى
ودعواتى ان شاء الله مزيد من التميز
والى الامـــــــام
كــــم ســــاءلـــونــي وصـف حـبي كـلما .... عــــلــمـوا بـأنــي قــد غــدوت مـتــيـمــا
فــي عـشـــق مـن مـلأ الـدنا مـن نـــوره ... وبـيـوم أسـرى قـد أفـاض عـلـى الـسمـا
ماشاء الله
ايه الروعه دي
كأني بقرأولد الهدي لشوقي
ربنا يبارك فيك ويجزيك خيرا دكتور محمود
هابي بيرث داي تو يور بلوج
وعقبال ما تبقي تيته وعندها بلوجات صغيرة جميله
بس بشرط يكونوا كلهم من ابداع قلمك دكتر فلافيو
دمت لقرائك ومحبيك
خالص تحياتي للمدونة الجميله وصاحبها
.......
quiet_storm
أهلا بثالث من دخل المدونه وكتب تعليقا بها .. كنتى تالت تعليق اتكتب عليها من سنه بالظبط .. هييييييه زمن
هدية ايه بقه اللي بتتكلمي عليها بس .. التورته عليكي ومن لابوار وإلا ...
على فكره أنا مقعدتش أكتبها فتره طويله
أنا بدأتها وتركتها لأني مريت بفتره مكنتش بكتب خالص .. وفي لحظه لقيتني قاعد وبكتبها .. كان في الاوتوبيس على فكره ههههههههههههه
متشكر جدا على الصوره وعلى التعليق الجميل
تحياتي لك
semsema
ولد الهدى لشوقي .. مره واحده .. ده كتير والله
يارب عقبال ما نحتفل بمدونتك كده وأكتب لها قصيده عسوله على قدها
خالص تحياتي ومودتى لصاحبة التعليق الرقيق
بارك الله فيك وجزاك خيرا على دعائك
هابى بارز زاى تو يو شت شت شا مبرووووووووووووووووك يا محمود سنه كامله من الابداع وان شاء الله تتواصل على طول ومتتوقفش ابدا والقصيده تحفه جداااااا جميله اوى بجد طلعت اروبه فى المدح زى الرومانس ثم انت اللى عليك التورته ومستيينك فى الكليه بيها وايااك تحاول الفرار مبررررررررررررررررررررررررررررررروك
ههههههههههه
كل سنة وبينى اللى فى الصورة بخيييير
مبتحبش الكارتون معلقه ليه بالسنة الاولى ؟؟
ههههههه
كل سنة واحنا اللى سعداء يقصائدك محمود
وكم هى رااائعة لا خلاف قصيدتك هذه
تحفة بجد ربنا يبارك
ياهلا والف هلا بشاعرنا الفصيح محمود ..اولا الف مبروك ياشاعر وعقبال اليوبيل الفضى والذهبى لمدونتك الجميلة اللى دوما باعدى عليها ارتشف منها روعة الاحساس وثقل الكلمات ..بجد اقراها واستمتع ..منورة كالنجمة البراقة وسط عالم المدونات ..دوما من احسن الى الارقى والاسمى يا شاعر ..ربنا يبارك فيك ويحمى تلك الموهبة المتاججة ولا حرمنا من صدق قلمك ..وتلك القصيدة على شرف سيد الخلق صلى الله عليه وسلم ..رائعة من روائعك ..سلمت يمينك ..وادام الله قلمك مدافع عن الحق ..تحفة تحفة يا محمود ..ما شاء الله عليك ..تحياتى وربنا يوفقك دوما
ما شاء الله لا قوة إلا بالله
يااااه مرت سنة
كل سنة و"قصائد مبعثرة " في رقي وسمو وعامرة برواائعك وإبداعاتك
ويظلّها وروادها كل الود الصادق
وتظل دوما تدوّن فيها كل ما تحب وكل الأحداث الجميلة
وتمتعنا بكل جديد
وإلى الأمام داااائما
خالص التهاني لك ولنا
..
أما بالنسبة للقصيدة
فأحييك كثيرا عليها
بارك الله فيك
ما أحلاها هدية
جزاك الله عنها خيرا كثيرا
بورك قلمك النابض
تحياتي وتقديري
كان نفسي اجي بدري عشان ابقى اول واحد اعلق
كل سنه وانت طيب يا حوده
ومدونتك جميله ومتالقه وبها اجمل واروع الدرر
اما القصيده فتحفه من هنا لحد بكرة
ول قعدت اوصف في جمالها مش هلاقي كلام
ربنا يوفقك يا حوده
وتكون دايما شاعر جميل رقيق متألق
وتكون دايما عازف الكلمات
بسم الله
كل سنة والمدونة وصاحبها في خير وجمال وتقدم
تهانينا
بارك الله فيك
ماشاء الله عمل رائع
كل عام وأنت بخير يا محمود ، وكل سنة ومدونتك منبر من أعظم منابر الشعر التي نعتز بوجودها في كليتنا وفي دفعتنا ونتشرف ونتشوق دائما لزيارتها
ولا أعظم ولا أفضل من شعرك في حبيبنا محمد صلى الله عليه وسلم هدية في هذه المناسبة ، فعلا كلمات جميلة ومعبرة وإحساس صادق ، وأبيات مبدعة ، زادك الله إبداعا ونفع بك
تحياتي
يووووووووه تالت مره اعلق فيها والنت يفصل الله يخربيت دي شركه .
بسم الله ما شاء الله ولا حول ولا قوة الا بالله
بصراحه يا واد يا فرجلو تسلم ايدك
معني ولا اروع في حب اشرف الخلق واطهرهم الحبيب المصطفي
بالرغم من اقتباسك لبعض الجمل...هذا لا يقلل اطلاقا عن مدي روعتها
هيا المدونه فات عليها سنه ؟؟العمر بيجري والله تتربي في عزك يا فرج وتفرح بولادها ههههههه
جزاك الله كل خير
ولـهـا الـخـلائق فــاض مــنــها
حـبــَّهـــا ... وحــنــيــنـهـا .. حــتــى الــجــماد تـكلـَّمــا
صلى الله على محمد صلى الله عليه وسلم
لا تعليق اكثر من ذلك
ده بالنسبه للقصيده
وكل سنه وانت طيب يا محمود دا بالنسبه لمرو سنه على المدونه
سلام
بندقه
عقبال عيد ميلادك
ولكن يا بندقه دي مش مدح
لن يستطيع اي منا أن يمدح الرسول صلي اله عليه وسلم .. ولتقرأى البيت الأخير لفهمي قصدي
ميرسي ع المرور
ـــــــــــــــــــــــــــــــــــ
شق القمر
لا ما خلاص يا قمر البركه فيكي وفي محمد وفى ناروتو .. أنا أدمنته خلاص
بارك الله فيكي
ـــــــــــــــــــــــــــــــــــ
little angel
يا هلا فيكي
بجد مش عندي كلام أرد بيه علي كلماتك دي .. بجد بجد متشكر كتييييييير وربنا يخليكي لنا وكلامك دايما يشجعنا
ـــــــــــــــــــــــــــــــــــ
GEHAD
منوراني والله كعادتك .. وكفايه ان انتى اول حد علق هنا في المدونه
يارب عقبال ما تنوريني السنه الجايه وتكونى في احسن حال وتحققي كل اللي بتتمنيه
ـــــــــــــــــــــــــــــــــــ
محمود سليمان ابو العزم
حبيبي وأخويا وكفاءه ههههههههه
ازيك يا حوده .. زي ما دخلت مخصوص تعلق لي على القصيده داخل مخصوص من سيبر عشان أبعت رد علي كلامك الجميل ده
روح .. ربنا يخليني لك يا شيخ ..هههههه
ــــــــــــــــــــــــــــــــــ
أحمد سعيد بسيوني
وانت طيب يا أبو حميد .. بس مقلتش رايك يعني في القصيده ... مستنيه
ـــــــــــــــــــــــــــــــــــ
!!!!
مستني رد مفصل عن القصيده يا علام
ـــــــــــــــــــــــــــــــــــ
عمر
كل سنه وانت طيب وعقبال بحب النور
شكرا جزيلا لمرورك
ــــــــــــــــــــــــــــــــــ
dr_modymodak
والله يا مودي قطع النت طايلني وطايلك
بالنسبه للاقتباس فده أنا شايف إنه ضروري عشان يحدم المعنى
ولو لاحظت حتى الصوره .. جايبها عشان توصل الفكره دي .. ويكفينى آخر بيت
شكرا لمرورك يا مودي ويارب النت يتصلح عندك وعندي
ـــــــــــــــــــــــــــــــــــ
alguien soy yo
فـأجـبـتـهـم ... يـكـفـيـه أن الــلـــه فـــي عـــلــيــائـهِ ... صــلـَّـى عــلـيــه وســـلـَّـما
كل سنه وانتى طيبه ودايما منوراني
يارب تكون امتحاناتك تمام .. بالتوفيق
كل عام وأنت مبدع
والقصيدة جميلة ومعبرة تمتلئ بمعاني الحب للرسول صلى الله عليه وسلم والدفاع عنه ضد المستهزئين ..
ولهذا البيت أثر عظيم في نفسي
مـن كـان كـالـقـــــــرآن فــي أخــلاقـــه .... وبـهــا تــــآلـــق لـلـعُــلا بـل قــد ســـمـــا
جعلها الله في ميزان حسناتك
لك كل الشكر وتحياتي
said
ماشاء الله عليك يا محمود
بجد القصيدة تجنن
ومكتوبة بروعة
لو اعرف ابعتلك صوت تسقيف كنت بعتلك
بجد انت فنان
تحياتى ليك وكل سنة ومدونتك طيبة وانت طيب
تحياتى ليك
اختك خيخة
كل سنة وانت طيب يا محمود
..
أما بالنسبة للقصيدة
فطبعا مافيش احسن من الرسول صلى الله عليه وسلم نتكلم عنه ونكتب فيه
.....
ولكن عند مناقشة الشعر فلا بد من المناقشة الفنية :
لمحات جميلة هنا أعجبتني :
أولا :
تآلق : وزن جميل من فعل الألق يعطي معنى جديدا في أبسط صورة من صور الجدة وهي الاشتقاق ، وهذا ما نلتمسه : أن نكتب الجديد
ثانيا :
هنا تناص رائع مع القرآن الكريم :
"هـذا رســـول قــد خـــلــت مـــن قـبـلـــهِ .... رســلٌ أتــت أقــوامــهــا كـــي تــرحـمــا"
أو اقتباس من النص القرآني بصورة مضفرة وتلقائية
ثالثا :
فـهـو الـذي لـلـناس جـــاء مــخـلـِّـصــا ً ..... ومــبــشِّـــرا ً ومــشــفـَّـعـا ً ومـُعــلـِّـمــا
هنا حسن تقسيم لذيذ للبيت أعطى مذاقا مختلفا
رغم أن مشفعا فعل غريب بالصيغة المضعفة .
رابعا :
القفلة جميلة وتفرض تصفيقة عالية .
هناك مجموعة سلبيات :
أولا :
جهنما : خطأ لغوي واضح فجهنم أولى بالجر لا بالنصب ، والضرورة الشعرية ليست حجة في هذا الموطن .
ثانيا :
الصور الشعرية الخيالية نادرة حتى الصور الموجودة ليست مبتكرة
والأسلوب يغلب عليه الطابع الخطابي
وهذه مشكلة كبيرة يواجهها الكثيرون
وترجع أصلا لقلة القراءة أو انعدامها أو القراءة الخاطئة
أو ربما الفهم الخاطئ لوظيفة الشعر واختلاط مفهومه مع المقال أو الخطبة السياسية أو الدينية .
...
شكرا لك محمود
تقبل مودتي
كل عام وانت بألف خير وصحة وسعادة يا دكتور..
ربنا يبارك في عمرك وتحتفل بمرور العام المائة لافتتاحها ان شاء الله
يادوب اكون انا متّ من كام سنه^_^
القصيدة ممتازة جدا..
لكن انتبه جيدا للاعراب والتشكيل
ما شاء الله..اسلوبك يتميز يوم عن يوم..
-----
اعذرني والله انا دائم المرور من هنا وعلى كل مدونات الزملاء..لكن لا يسعفني الوقت ابدا للكتابة او التعليق..
الامتحانات يا صاحبي وما ادراك ماهي..
اشوفك على خير ان شاء الله
في قصيدة اروع..
بورك قلمكك
ودمتــ بخير
جني said
أسعدني مرورك بالمدونه
تقبل تحياتي
بت خيخة وأى كلام
ازيكيا نوران .. كيف أحوالك .. عذرا لأني فصلت النت ومش بزورك .. بس اعتبري تصفقيفتك وصلت
سلامي لشريف
إسلام هجرس
ازيك يا اسلام .. بجد بجد أشكرك كثيرا على هذا الرأي المفصل
وهذه ردودي علي بعض النقاط
أولا .. أشكرك على توضيحك لما بالقصيده من ايجابيات .. مع إن فيه حاجات نسيتها .. بس مش مشكله
نييجي بقه للسلبيات اللي وضحتها
أولا
جهنما ... ليست خطأ نحوي
جهنم إعرابها : مضاف اليه مجرور وعلامة الجر الفتحه نيابة عن الكسره لأنه ممنوع من الصرف
وطبعا زي ما ان عارف وأدرى مني في هذا .. يأتى اشباع الفتحه ألفا .. ألف الإطلاق
ثانيا
بالنسبه للصور الخياليه .. لست مضطرا للخيال لأني لا أمدح الرسول صلى الله عليه وسلم ولكن هى مجرد صفات واقعه ولذلك اقتبست من القرآن والحديث بين الكلمات للدلاله على ثبوتها
بصراحه مش عارف ليه بتقول انه يغلب عليها الخطابه .. أنا مش شايف كده .. ده مجرد وصف لموقف
بمعني آخر .. هو مجرد حوار بيني وبين من طلبوا منى مدح الرسول .. وبوضح فيه وجهة نظري
تقبل تحياتي يا باشا .. وخد بالك من الصرف
Noor_eldeen35
ايه النور ده كله
والله منور يا باشا والامتحانات دي سنة كلية الطب
واعراب وتشكيل ايه بس اللي بتكلم فيه
أنا منزلتش القصيده بالتشكيل إلا لو وضعت بعض حركات على كلمات لتنطق نطق صحيح وكى لا يختلف المعني أو النحو
ولو تقصد كلمة النوما .. هي مفعول به ولو تقصد جهنما .. هي مضاف اليه مجرور بالفتحه
سلام الله عليك
ويارب نشوفك علي خير قريبا
اولا كل سنه ومدونتك بالف أبداع وكل سنه وقلمك في تميز وعقبال عيد المدونه ال 100000000
ثانيا انا كل مره بقرا قصائدك بكون مش عارفه اقوللك قد ايه هي جميله واد ايه قلمك موهوب
بالتوفيق ولك من الف تحيه
السلام عليكم ورحمة الله وبركاته
كل سنة وانت بالف صحة وخير وعقبال اول ديوان بنفس العنوان ان شاء الله
مافيش كلام بعد الكلام عن النبي صلي الله عليه وسلم
وعلش جات متأخرة التهنئه بس الشغل كتير اليومين دول
تحياتي
الي اللقاء
حقيقي رائع يا محمود
مكنتش أعرف إن في شعراء رائعين كدا في طب طنطا :)
أدام الله ألقك
كل سنه وانتا طيب
كل سنة وانتا معانا
كل سنة وانتا حبيبي
كل سنة وانتا بتمتعنا
معلش يا حودة
كان المفروض يبقا اول كومينت بس الظروف
اعذرني
ويكفيني انك عارف غلاوتك عندي
تحياااتي
الآء
أولا انتى منوراني
ثانيا .. شكرا علي رقيق كلماتك
kemet
ربنا يسمع منك يا نهى
ربنا يوفقك
محمد أبو الفتوح عبد المنعم سالم غنيم
جزاك الله خيرا على ثنائك الجميل
أدام الله قلمك المبدع
Dr.Mohammed Gohary
كل سنه وانت منور يا جوهري
ربنا يخليني ليك ههههههههه
هو أنت هتفضل فرحان بالطرطور اللي أنت حاطه ده كتييير
:D
وايتنج فور نيو بوست
بصراحة يا عم محمود أنا شايف إنك كنت المفروض تقفل باب التعليق على القصيدة دي بالذات، لأنها معلقة على نفسها وأي تعليق مهما كان جميل مافتكرش حيكون منصف أوحيضيف ليها.
بصراحة "جميلة ومعبرة ببساطة"
ربنا يوفقك.
ردا على الأستاذ الفاضل "إسلام هجرس" في نقده الأدبي لقصيدة أخينا محمود.
يقول إسلام هجرس "هناك مجموعة سلبيات : أولا :
جهنما : خطأ لغوي واضح فجهنم أولى بالجر لا بالنصب ، والضرورة الشعرية ليست حجة في هذا الموطن "
وهذا بالطبع خطأ واضح من إسلام وليس من محمود وأنا أعجب من أن شخصا بثقافة إسلام اللغوية قد يقول مثل هذا الكلام الذي ليس له أي أساس لغوي وأعجب أيضا عندما يقوله بكل هذه الثقة التي يقوله بها. هذا الخطأ مثل خطأ طالب الطب الذي يقول أن ال Gentamicin هو أفضل علاج لل Candida
فكلمة "جهنم" من الأسماء التي تحقق فيها صفة العلمية والعجمية والتأنيث، أي أنها علم أعجمي مؤنث وذلك يستلزم أن تكون ممنوعة من الصرف فتجر بالفتحة مثلما فَعَل محمود وكما ورد بالقرآن الكريم أكثر من مرة وإليكم أمثلة لهذا،
قال تعالى:- قُل لِّلَّذِينَ كَفَرُواْ سَتُغْلَبُونَ وَتُحْشَرُونَ إِلَى جَهَنَّمَ وَبِئْسَ الْمِهَادُ [آل عمران : 12]
فَمِنْهُم مَّنْ آمَنَ بِهِ وَمِنْهُم مَّن صَدَّ عَنْهُ وَكَفَى بِجَهَنَّمَ سَعِيراً [النساء : 55]
إِنَّ اللّهَ جَامِعُ الْمُنَافِقِينَ وَالْكَافِرِينَ فِي جَهَنَّمَ جَمِيعاً [النساء : 140]
لَهُم مِّن جَهَنَّمَ مِهَادٌ وَمِن فَوْقِهِمْ غَوَاشٍ وَكَذَلِكَ نَجْزِي الظَّالِمِينَ [الأعراف : 41]
إِنَّ الَّذِينَ كَفَرُواْ يُنفِقُونَ أَمْوَالَهُمْ لِيَصُدُّواْ عَن سَبِيلِ اللّهِ فَسَيُنفِقُونَهَا ثُمَّ تَكُونُ عَلَيْهِمْ حَسْرَةً ثُمَّ يُغْلَبُونَ وَالَّذِينَ كَفَرُواْ إِلَى جَهَنَّمَ يُحْشَرُونَ [الأنفال : 36]
لِيَمِيزَ اللّهُ الْخَبِيثَ مِنَ الطَّيِّبِ وَيَجْعَلَ الْخَبِيثَ بَعْضَهُ عَلَىَ بَعْضٍ فَيَرْكُمَهُ جَمِيعاً فَيَجْعَلَهُ فِي جَهَنَّمَ أُوْلَـئِكَ هُمُ الْخَاسِرُونَ [الأنفال : 37]
يَوْمَ يُحْمَى عَلَيْهَا فِي نَارِ جَهَنَّمَ فَتُكْوَى بِهَا جِبَاهُهُمْ وَجُنوبُهُمْ وَظُهُورُهُمْ هَـذَا مَا كَنَزْتُمْ لأَنفُسِكُمْ فَذُوقُواْ مَا كُنتُمْ تَكْنِزُونَ [التوبة : 35]
أَلَمْ يَعْلَمُواْ أَنَّهُ مَن يُحَادِدِ اللّهَ وَرَسُولَهُ فَأَنَّ لَهُ نَارَ جَهَنَّمَ خَالِداً فِيهَا ذَلِكَ الْخِزْيُ الْعَظِيمُ [التوبة : 63]
وَعَدَ الله الْمُنَافِقِينَ وَالْمُنَافِقَاتِ وَالْكُفَّارَ نَارَ جَهَنَّمَ خَالِدِينَ فِيهَا هِيَ حَسْبُهُمْ وَلَعَنَهُمُ اللّهُ وَلَهُمْ عَذَابٌ مُّقِيمٌ [التوبة : 68]
فَرِحَ الْمُخَلَّفُونَ بِمَقْعَدِهِمْ خِلاَفَ رَسُولِ اللّهِ وَكَرِهُواْ أَن يُجَاهِدُواْ بِأَمْوَالِهِمْ وَأَنفُسِهِمْ فِي سَبِيلِ اللّهِ وَقَالُواْ لاَ تَنفِرُواْ فِي الْحَرِّ قُلْ نَارُ جَهَنَّمَ أَشَدُّ حَرّاً لَّوْ كَانُوا يَفْقَهُونَ [التوبة : 81]
فَادْخُلُواْ أَبْوَابَ جَهَنَّمَ خَالِدِينَ فِيهَا فَلَبِئْسَ مَثْوَى الْمُتَكَبِّرِينَ [النحل : 29]
ذَلِكَ مِمَّا أَوْحَى إِلَيْكَ رَبُّكَ مِنَ الْحِكْمَةِ وَلاَ تَجْعَلْ مَعَ اللّهِ إِلَهاً آخَرَ فَتُلْقَى فِي جَهَنَّمَ مَلُوماً مَّدْحُوراً [الإسراء : 39]
أرجو أن تكون وجهة نظري قد اتضحت.
وللأسف يوجد خطأ آخر في كلام أستاذ إسلام، وهو أن قال أن الضرورة الشعرية لا تبيح تغيير حركة آخر الشطر.
وردي موجود في هذه الأبيات لابن رشيق القيرواني يرثي القيروان
فتكوا بأمة أحمد أتراهم أمنوا عقاب الله في رمضانِ
نقضوا العهود المبرمات واخفروا ذمم الإله ولم يفوا بضمانِ
والمسلمون مقسمون تنالهم أيدي العصاة بذلة وهوانِ
نلاحظ أنه جر كلمة رمضان بالكسرة رغم كونها ممنوعة من الصرف وكان ينبغي أن تجر بالفتحة، وقد فعل هذا للضرورة الشعرية وهو مباح في عدة مواضع منها هذا الموضع.
فالقاعدة تقول "يجوز للضرورة الشعرية صرف الممنوع من الصرف ثم جره بالكسرة بدل الفتحة في حالة الجر"
وشكرا وربنا يوفقك يا عم محمود على درب الصواب، وانتبه يا أخ إسلام قبل إطلاق الأحكام النقدية اللاذعة على الزملاء "دي سمعة ناس :-))"
ويجعله عامر
محمود
أحييك على ردك الهادئ على تعليقي
وتحاورنا باستفاضة في باقي النقاط ماسينجريا
سالم
عجبك في غير محله
وحشدك الأسطولي لكل هذه الأدلة في غير محله
فكان يكفي مع كل البيانات التي وضحتها التنبيه البسيط على سهو
فبمجرد تنبيه محمود لي قلت سبحان الله جل من لا يسهو وتذكرت الآية الكريمة
عموما المستوى اللغوي هو أقل مستويات التقييم
وهناك مستويات كثيرة للتقييم لم أحب الاستطراد فيها لسبب رئيسي
وهو أن النقد يحزن بعض الناس
وأنا لا أحرص في علاقاتي مع أصدقائي بكلية الطب إلا على الجانب الإنساني
فما زالت كتاباتهم - وأنت منهم يا سالم - تحتاج الكثييييييييييير من القراءة والاجتهاد
وهي وإن كانت تعجب الجماهير إلا أن الجماهير ليسوا المعيار الذي يحكم
فسعد الصغير وشعبان عبد الرحيم وهيفا أنجح جماهيريا من على الحجار
حزين أنا لأنني أقول هذا الكلام
أعتذر لك يا فرج ويا سليمان ويا علام ويا شبل ويا راجح ولكم يا كل الأحباب
ولكن نبرة السخرية والترصد التي وجدتها في كلام الأخ سالم في كلمة "يجعله عامر" مثلا ، وفي جمعه للأدلة على شيء مسلم به ولم أعارض فيه أصلا ، وكأنه يحاول أن يجد خطأ ، تجعلني مضطرا لهذا الكلام الذي تعرفونه بلا شك
أعتذر أيضا لنفسي لأنني اضطررت للرد وكان الأولى أن لا أرد لولا أن الأمر مطروح للجميع وقد يحدث لبس لدى البعض
في النهاية
أحبكم جميعا
ولا بد أن بيننا أشياء كثيرة نلتقي فيها وعليها
ازيكو يا جماعه
أنا سمعت ان تعليقات القصيده دي عملت لبش في المنطقه .. قلت أدخل أشوف فيه ايه
سالم
بجد تعليقك الأول يكفيني .. وطبعا بشكرك كتير على ردك وتحليلك .. لكن والله أنا مكنتش عاوز منك ولا من اسلام الرد بالشكل ده
احنا كلنا اخوات وعلى فكره عدم ردي كان بسبب اني زعلت ان قصيدتي عملت الجو ده
اسلام
لا سخريه ولا ترصد في رد سالم .. انت محسسني اننا في معركه أدبيه
كلنا اخوات ومفيش حاجه حصلت للكلام ده
والله انت متعرفش أد ايه أنا سعيد اني عرفتك واني عرفت سالم ازاي السنه دي
بجد شعراء لهم وزنهم ولهم طريقهم الذي أتمنى أن يصلوا فيه الي النهايه
ويارب أكون شاهد علي تألقهم دوما ..بس ساعتها مش ينسوني
هكرر ان كل اللي بيدخلوا عندي بعتبرهم اخواتي وأتمنى دوما تسود الروح الجميله الطيبه بيننا
شكرا لكم جميعا ... على أمل اللقاء
ما شاء الله تبارك الله
اللهم صلي على كامل النور عليه افضل الصلاة والسلام
بجد بجد ربنا يحفظك ويحرسك
كلماتك جميلة قوي يا أخ محمود
انا يمكن مليش في الشعر قوي
بس بستمتع بقرائته
وفعلا انا استمتعت بقراءة كلماتك
ربنا يزيدك من عطاؤه
كان لي شرف التوقيع هاهنا
ولي عودة بعد مزيد من القراءات :)
دمت بكل الود ،،
السلام عليكم ورحمة الله وبركاته
اولا ازيك يا فلافيلو ... واحشني جدا ..
يارب تكون شادد في المذاكرة كدا ورافع راسنا...
ثانيا ... الف مبروك على مرور اول سنة عالمدونه ...
والقصيدة روعه فعلا .. ربنا يكرمك يارب ...
ومن حسن لاحسن باذن الله ...
اخوك في الله ... عمرو البسيوني
الشركات الرائدة فى ذلك المجال وهى شركة تسليك مجارى بالدمامفهى شركة تمتاز باحدث الالات والماكينات والعربات بالاضافة ان ان الشركة لها عدة فروع وليس فرع واحد وافرع الشركة كالتالى شركة تسليك مجارى بالأحساء وشركة تسليك مجارى بالخبر وايضا ان اكثر الاشياء خطوره على صحة الانسان وخاصة الاطفال هى الحشرات بكل انواعها سواء كانت حشرات زاحفة او حشرات طائرة فهذة الحشرات خطيرة للغاية وتسبب العديد والعديد من الامراض ولذلك يجب مكافحتها وابادتها نهائيا ولذلك لحماية انفسنا وحماية اطفالنا ولاننا نهتم فى المقدمة بصحتكم وراحتكم فنقدم لكم شركة مكافحة حشرات بالدماموفرعها شركة مكافحة حشرات بالخبر فهى شركة تمتاز عن باقى الشركات الاخرى وترفع الشركة دائما شعار لسنا الوحيدون ولكننا الافضل فى مجال مكافحة وابادة الحشرات والتخلص منها نهائيا دون راجعه وذلك لنساعد عملائنا الكرام فى العيس فى حياه هادئة وسعيدة وخالية من الامراض ولان رش المبيدات من اخطر الاشياء التى توثر على الصحة ويلزم لها شركة متخصصة فى انواع المبيدات التى تلزم للقضاء على كل نوع من الحشرات ولذلك قدمنا لكم شركة رش مبيدات الدماموفرعها شركة رش مبيدات بالخبر وان اكثر الحشرات خطوره علي الانسان والتى يلزمها رعاية خاصة عند مكافحتها هى حشرة النمل الابيض فهى حشره يجب ان تكافح قبل بناء المنزل لانها تقوم باكل الاخشاب والخرسات وتعمل على انهيار ودمار المنزل ولذا قدمنا لكم شركات مكافحة النمل الابيض بالدمام وافرعها الاخرى شركة مكافحة النمل الابيض بالاحساء وشركات مكافحة النمل الابيض بالقطيف اما شركة كشف تسربات المياه بالدمام وفرعها شركة كشف تسربات المياه بالخبر تقوم بالكشف على تسربات المياه ومعالجتها فى الحال باحدث الاجهزة والمعدات والادوات بدون تكسير
تسليك مجارى بالدمام
تسليك مجارى بالاحساء
نقدم لكم افضل خدمات النجارة والدهانات الحديثة من خلال شركتنا بخصومات تصل الى 50% لفترة محدودة
نجار جده
نجار بالطائف
معلم دهان ابواب خشب بجدة
Post a Comment