Thursday, May 8, 2008

عيد ميلاد المدونه .. وإهداء خاص لقرائها الأعزاء

السلام عليكم ورحمة الله وبركاته

أصدقاء مدونتى الأعزاء
متتصوروش أد ايه انا سعيد انهارده وأنا بكتب التدوينه دي


شايفين أنا سعيد أد ايه؟؟هههههههههه

انهارده بيكون فات سنه كامله وقصائد مبعثره بينكم

طبعا أنا على بلوجر كمستخدم من قبلها .. لكن في يوم من السنه اللي فاتت

لقيت نفسي قاعد بعد الفجر ومروحتش الكليه .. وقلت لنفسي:

ما تعمل يا واد يا فلافيو (كان اسم الأكاونت ساعتها والاسم اللي اصحابي بينادوني بيه) مدونه وتجمع فيها كل اللي كتبته

قعدت وعملت مدونه واخترت شكل كويس وأضفت بعض الشغل عليه

وكانت المدونه ... قصائد مبعثره .. والتى (بدمع العين أكتبها)

بجد مش قادر أوصف لكم مدى سعادتي بمرور عام بينكم

وطبعا بالمناسبه دي .. أهديكم قصيده لسه مكتوبه انهارده

بصراحه وبيني وبينكم .. ملقيتش أي رد على الناس اللي علقت لي في معرض الكليه السنه دي وفي المعرض اللي نزلت فيه في تالته كليه .. إلا بالكلمتين دول
هما طلبوا منى وألحوا أن أكتب في مدح النبي -صلى الله عليه وسلم-
وبصراحه معرفتش ومش هاعرف


أسيبكم مع ... كم ساءلوني


كــــم ســــاءلـــونــي وصـف حـبي كـلما .... عــــلــمـوا بـأنــي قــد غــدوت مـتــيـمــا


فــي عـشـــق مـن مـلأ الـدنا مـن نـــوره ... وبـيـوم أسـرى قـد أفـاض عـلـى الـسمـا


من كــان نــبــراســا أتـى بــيــن الــورى .... بــرســـالـة ٍ حـتـى يُـفـــيـــق الــنـــوَّمــا


حـتـى يـزيـل غــشـاوة الـجـهـل الـــــــذي .... أضـحـى مـلـيـكـا ً لـلـعـقـول وخـَيـَّـمـــــا


مـن جـاء مـثـل الـنـبـع فــي صــحـرائـنـا.... لــيــفــيــض بــالإيــمــان حـتـى نـَسـلمــا


ونـتـوب لا نـعـصـى الإلـــه بــلــحــظــة ٍ .... إن َّ الــعــصــاة وقـــود نــار جــهـــنــمــا


مـن كـان كـالـقـــــــرآن فــي أخــلاقـــه .... وبـهــا تــــآلـــق لـلـعُــلا بـل قــد ســـمـــا


ولـهـا الـخـلائق فــاض مــنــها حـبــَّهـــا ... وحــنــيــنـهـا .. حــتــى الــجــماد تـكلـَّمــا


كـم سـاءلـونـي ادرأ بـقـولك وصف مــن ... جـهــل الــمــقــام عـلى الـحـبـيـب تهجـَّمـا


وادفـع بـمـدحـك ذمـهـم كــي يـعــلـمـــوا .... حـُـبُ الــرســول بـقـلـبـنـا يُـجـري الـدِمــا


أو قــل لــهـم قـــرآن ربــــي قــد أتـــــى .... فــي ســالــف الأزمــان حــتـى يُـكــرمــا


هـذا رســـول قــد خـــلــت مـــن قـبـلـــهِ .... رســلٌ أتــت أقــوامــهــا كـــي تــرحـمــا


فـهـو الـذي لـلـناس جـــاء مــخـلـِّـصــا ً ..... ومــبــشِّـــرا ً ومــشــفـَّـعـا ً ومـُعــلـِّـمــا


فـلـيـخـرســوا لــن تـنـتـقـصـه مـذمـــة ٌ ..... أو مــا يـــحـــاول جــاهــلٌ أن يـــرسـما


فـأجـبـتـهـم ... يـكـفـيـه أن الــلـــه فــــي عـــلــيــائـهِ ... صــلـَّـى عــلـيــه وســـلـَّـما


على أمل اللقاء .. محمود فرج أحمد

Thursday, May 1, 2008

ملتقى الشعراء .. حلم أتمنى دايما إنه يتكرر



السلام عليكم ورحمة الله وبركاته

مش عارف أبدأ منين

أقول لكم .. هبدأ من السنه اللي فاتت
كان يوم 21 مارس .. وكان أول حاجه أنظمها في حياتي


فكره جت في دماغي إننا نخلي وقت ... نتجمع فيه -نحن من نكتب الشعر بكلية طب طنطا-

ويجتمع معانا كل محبي الشعر
وحاولت على أد ما قدرت أعرف اكبر عدد .. وفعلا الناس حضرت واستمتعت

وكان يوم فعلا جميل جدا .. واتكرر كمان مره السنه اللي فاتت


وجينا السنه دي .. ورغم إني نويت العزوف عن المشاركه بالأنشطه في الكليه
لقيت إلحاح إني أكرره .. والحمد لله تم وكان رائع وانا كنت اتكلمت عنه في بوست درب الشهيد

بفضل الله تكرر للمره الثانيه .. يوم 29/4/2008
وبيني وبينكم .. كان يوم شاق جدا

امتحان باطنه الصبح .. وأطلع من الامتحان أجهز للملتقى .. ثم يبدأ الملتقى وإلى أن ينتهي والإرهاق لا ينتهي بدليل إني قاعد بقالي أكتر من 18 ساعه قدام الجهاز عشان أظبط الفيديوهات واغير امتدادها واقطعها عشان ارفعها

طبعا مكنتش في الارهاق ده لوحدي
كان معايا فريق عمل جامد قوي
بداية بالأخت العزيزه الرقيقه التى مهما قلت فلن أستطيع وصف إعجابي بما قامت به يومها والذي فاجأني شخصيا من عمل عرض تقديمي باوربوينت للقصائد وكتابة اسكريبت رائع لتقديم الشعراء وتقديم الملتقى بنفسها .. ألا وهى .. د رنا دغيدي

مرورا بالشاعر الرقيق .. صاحب الحس المرهف والصوت الدافئ الملئ بالقوه والرقه والعذوبه في الوقت ذاته

والذى ستتأكدون من كلماتي عندما تستمعون لإلقائه .. ألا وهو .. شاعر الحنين .. د مصطفي أحمد علام

إضافة إلى الأخت الرقيقه .. والتي كان لأرائها دور كبير في إضافة وتنفيذ أفكار جديده للملتقى
quiet_storm ألا وهي .. د حنان أحمد .. او لنقل إن شئنا

وانتهاءا ً بالشاعر المبدع .. صاحب ديوان ..((دعيني أحبك)) .. والذى تولى مهمة طباعة القصائد ورقيا

والذي أمتعنا بقصيدتين رائعتين .. ألا وهو .. د سالم صلاح سالم

لكن الحمد لله التعب ده كان جميل جدا وأدى إلي يوم رائع


هاسيبكم بقه مع فيديوهات اليوم وجانب من المشاركين فيه


أبدأ .. كما بدأت في الملتقى .. لأني كنت أول من ألقى شعرا يومها
ألقيت قصيدتين
لن يغيب البدر .. وتلتها قصيدة لا ترحلى





ثم أخي العزيزفارس المعاني ... د محمد توفيق راجح
وقصيدة عذرا غلبتنا دموعك



والشاعر الرقيق .. صاحب ديوان .. مناجاة طائر إسلام هجرس
وقصيدة رحله .. تليها قصيدة صدفه



والشاعر الرقيق الرائع .. أحمد الزيات
وقصيدة .. تعالوا نبقى زي زمان



ثم أخي .. شاعر الحنين (كما أطلقت عليه).. د مصطفى أحمد علام
وقصيدة أحبك أنت يا وطني




ثم .. المبدع .. أخينا الأكبر .. د سالم صلاح سالم

أولا قصيدة .. للكوسه في بلادي شئون



وثانيا قصيدة .. الكعكه



ثم أخي الشاعر الذي طالما تعلمت منه .. د محمود سليمان أبو العزم
وده بقه أمتعنا بخلطبيطه أو لخبطيطه تحفه
هو مكنش محضر قصيده بعينها فعمل تشكيله من قصايده وآدي أول جزء منها






وآدي تاني جزء


وآدي تالت جزء


وده الجزء الرابع والأخير .. وفيه قصيده روعه
اسمها .. انسان ورق


وأخيرا الشاعر الساهري الكبير .. د عمرو الساهري
وقصيدة .. أنا غزه


طبعا كان فيه في الملتقى شعراء كمان بالإضافه للشعراء اللي رفعت فيديوهاتهم
كان فيه معانا زميلتين .. كل منهما ألقت قصيده لها

وكان معنا الزميل الشاعر الرائع د نادر شبل الجندي
والذى للأسف لم أستطع الحصول علي الفيديو الخاص به لعطل أثناء التصوير

في آخر البوست بقول .. اللي مش هيتفرج علي الفيديوهات أومش هيقول رأيه
أنا هازعل منه جدا جدا


أتمنى البوست يعجبكم

مستني رأيكم ومقترحاتكم

على أمل اللقاء ... محمود فرج أحمد




لغتي .. هويتي

لغتي .. هويتي

شاركونا

شاركونا

أهلا بكم


نظرا لأني متيم بالشعر قراءة وكتابة ... لذلك أحببت أن أضع هنا كتاباتي وأيضا روائع القصائد التي قرأتها أو سمعتها

About Me

My photo
مدخلتش بلوجر لا عشان الشهرة ولا عشان السياسة .. ((انا داخل أكتب براحتى .. داخل أكتب اللي فعلا احب أقراه)) عشان لما أكبر كده وأبقى عجوز وأفتح النت وأجيب المدونه من أولها ... أقول ياااااااااه ... كانت أيام

دَوِّن

ما رأيكم في شكل مدونتي الجديد

Followers

Powered By Blogger