منذ أيام قلائل ... أقمنا أنا وزميلي مصطفي أحمد علام صاحب مدونة تناديك روحي .. ملتقى للشعر .. لكـُتاب الشعر ومحبيه
كان ملتقى رائع بكل المقاييس والمستوى الفني كان في قمته
حضره شعراء كلية الطب جامعة طنطا .. محمود سليمان أبو العزم و محمد توفيق راجح
وأحمد ماضي ونادر شبل الجندي ود سالم صلاح سالم صاحب ديوان دعيني أحبك
والشاعر إسلام هجرس صاحب ديوان مناجاة طائر وقد قامت بالمساعده في إعداد الملتقى .. أختنا الصغرى وزميلتنا العزيزه رنا دغيدي
إضافة إليَّ أنا ومصطفى علام
كم كبير من القصائد الرائعه قيلت واستمتعت شخصيا بها
وترقبوا موضوع كامل عن الملتقى بالصور في الأيام القليله القادمه إن شاء الله
وقد قلت في الملتقى ... قصيدة جديدة ولأول مره ألقيها .. وحصل موقف لذيذ كده أثناء الإلقاء .. وهو أني نسيت آخر بيت في القصيده مما استوجب ضحكات الجميع .. ولكن لم تكن القصيده لتتم إلا بهذا البيت
أتتركم الآن مع قصيدتي الجديده درب الشهيد ... والتي أهديها إلي صاحبة مدونة لا للسكوت
درب الشهيد
كفاكم نحيباً فقلبي سعـيد ... مع الله زوجـي سيحـيا شـهـيـد
يطوف الجنان التي نورها ... نعـيم تـلـقـَّـاه فـي يـوم عــيـد
أتاني ينادي وفـي صـوته ِ ... حـنـيـن وحـب وشـوق مـديـد
ألا فاعـلـمي أنَََّ قـلـبي رنـا ... لـلـقـيـا إلـهـي بـعــزم ٍ أكــيــد
وإني لأرجـو قـتـال الـعـدا ... ومـوتي فداءً لـقـدسي المجـيـد
على أن أكـون الجـبـان الـذي ... تـخـفـَّى ليحـيا بذل العـبـيـد
سأمضي بدربي عسى بأسنا ... يزيل الجدار الذي من حديـد
فمهـمـا تـطـول الـلـيـالـي بـنـا ... فلابـد يـدنـو إلـيـنا الـبعـيـد
وألقى علي جبهتي قبـلـة ً ... ففاضـت عـيوني بدمع ٍ شـريـد
محاهُ وأوصى ألا فاصـبري ... فعن نصر قـدسي أنا لا أحـيـد
ويمضي ويبقى سـنـا وجهه ... يضـئ الـلــيالي كـنـجـم فريـد
كزهر بديع شـذا عـطـرهُ ... كـطـير ٍ تـغـنـى بأحـلـى نـشـيـد
فما غاب يوما ً بداري ولا ... أحسـَّت عيوني فراق الشهـيـد
أتـأتـون عـندي لـتـبـكـونـهُ ... كـفـاكـم بـكـاءً فـمـاذا يـفـيـد
كفاكم عزاءً فكلٌ سـدى ... وهيـََّا استفيقوا وزيـدوا الوعـيـد
وكـونوا رجـالاً شـداداً عـلى ... عـدو ٍ لـربـِّـي أتـانـا يـبـيـد
ويكفي سلامٌ .. سباتٌ.. أسى ... هلموا لنمضي بدرب سديد
هلموا لنمضي بدرب الشهيد
على أمل اللقاء .. محمود فرج أحمد
21 comments:
ما دا اللي بناخده منك ....
عمال تصيــَّح لنافي الاجواء النتــِّيه وخلااااااااص
:D
ماعينا
متتصورش أنا فطست علي نفسي أزاي يابني لما وقفت .... أنت طبعا مخدتش بالك ماللي أنت كنت فيه... :D
بس بجد والله يا فروجي كنت ملكش حل يابني
بارك الله فيك
السلام عليك يا شاعر ..منور دايما يا محمود ولى كل الشرف اكون اول من علق لك ومش محتاج تعليق طبعا برعت جدا فى رسم المشاعر بقلمك المبدع وتاثرك بلاحداث دليل على احساسك كده انت شاعر بمن حولك بجد ..ونجحت جدا فى حديثك على لسان امراءة بغض النظر هى المرة الكم ؟؟!! لكن ما شاء الله غزارة ابداعك فتحت دربك للا تقان والبراعة ..ربنا يزيدك وتمتعنا ..تحياتى
عذرا يا شاعر باحسب نفسى الاول ومصطفى سبقنى يالله مش مشكلة واحد ..ربنا يكرمكما
كويس والله لحقت الرد التالت نظريا الرابع فعليا
معلش بقه يا حوده
لسه جاي من عند الشباب من بره
------------
طبعا القصيدة جميلة جدا
والأجمل كان إلقائك ليها
باستثناء نسيانك لآخر بيت
ههههههههه
كان مسخرة يا راجل يا طيب
---------
كفاكم نحيباً فقلبي سعـيد ... مع الله زوجـي سيحـيا شهـيـد
رائعــــــــــــــــــــــــه
تسلم ايدك بجد
وياريت لو تجبلنا كل القصايد اللى اتقالت ف المهرجان
مصطفى ومحمود وانت
بجد اشعار ولا اروع
تحياتى ليهم جميعا
اولا الف مبروك يا اخ محمود على المركز الاول عن قصيده قلبى يسائل ان يغار الرائعه
يارب دايما كده ....ربنا يسعد ايامك ويفرحك على طول...ويكتبلك التوفيق فى كل حياتك
ثانيا قصيده رائعه .وانت كتبتها باحساس جميل اوى
وبالنسبه للملتقى الجماهير تطالب بتكراره مراااات كنير
وياريت كل مره تنسى بيت كده لانه بيدى للموضوع طعم تانى خالص
الف شكر ليك ولمصطفى ولمحمود سليمان على مجهودكم وان شاء الله الملتقى القادم يكون احلى واجمل وانجح كمان
عجبنى اوى اول بيت فى القصيدة
كفاكم نحيبا فقلبى سعيد
مع الله زوجى يحيا شهيد
حلوة القصيدة كلها
تسلم ايدك يا محمود
بسم الله ماشاء الله بجد روعة
حضرتك صدقا انسان حساس ومبدع
وألقى علي جبهتي قبـلـة ً ... ففاضـت عـيوني بدمع ٍ شـريـد
محاهُ وأوصى ألا فاصـبري ... فعن نصر قـدسي أنا لا أحـيـد
جميل جدا وجزاك الله خيرا على اهدائك لتلك القصيدة الرائعة لى شكرا
تمثل قصيدتك مزيجا رائعا من التعبير عن مختلف الأحاسيس حب الوطن التضحية فى سبيل الله وقسوة فراق الأحبة واستنكار لوضع الإنهزامية والإستكانة فى المجتمع وأيضا الفخر والإعتزاز فهى زوجها شهيد
رائعة بحق لو جلست لأحاول أن أخرج ما بها من قيم وجمال لتعبت فكل كلمة وكل جملة بها معنى ما بورك قلمك وحسك المبدع وحفظك الله ونفع بك ودمت بكل خير
حبيب قلبي فرج
انت عارف رايي طبعا في القصيده دي
وانها عجبتني وقولتلك انها ان شائ الله هتعجب كل الناس من اول مرة شفتها في الرواند
بس الله يسامحك
عشان موضوع النسيان ده طلع معدي
خلتني انسى انا كمان وانا بقول
والف مبروك المركز الاول في المعرض
تستاهله بجد
! ! ! ! شاعر الحنين
شكرا لك علي رأيك وبجد أنا كمان ضحكت .. وبتحصل في أحسن الملتقيات
little angelملاكي الصغير
شكرا لك أختي هدى عليكلماتك الرقيقه ورأيك الذي أثلج صدري
last knight الفارس الأخير
نعم الفارس ونعم الشاعر أنت
أعجبتني كثيرا بعد الغربه وخصوصا فلثم ثراك أغناني .. هذا الشطر يحمل الكثير
شكرا لك علي تواجدك معنا وعلي أشعارك الرائعه
د/اجدع بنوته
منوره يا ياسمين وسامحيني معدتش عندك من فتره والله معدتش بقعد ع النت زي الأول
القصايد والصور استنيهم قريب عندي او علي مدونة مصطفى
شكرا ليكي
quiet_storm
الله يبارك فيكي يا نونه ويارب يفرحك دايما .. ومتقلقيش هحاول ألبي طلبات الجماهير
بت خيخة وأى كلام
ازيك يا نوران والله المدونه منوره
وليا حق افتخر ان فيه بيت من ابياتي عجب نوران ... شهاده أعلقها فوق صدري
تحياتي ليكي يا أحلى خيخه
لا للسكوت
الأخت خديجه عبد الله
صراحة كنت أنتظر تعليقك
بجد والله تعليق الكل علي هذه القصيده عندي في جانب وتعليقك في جانب يقابله
أسعدني بشده ما أخرجتي من خلال كلماتي من معانى ... وحقيقة لا أستطيع وصف شعوري وإعجابي بما كتبت عني .. جزاك الله خير الجزاء
تحياتي لك ومبرو المدونه الجديده
.. محمود سليمان ابو العزم
يا عمنا النسيان ده مرض جميل خصوصا لما تاخد بعديه أحسن إلقاء ... والله نفسى اعرف مين اللي رشحني ليها وأنا أخنقه
المهم مش عاوز أشوفك زعلان زي انهارده ... باين عليك .. أشر انت بس وأنا أقوم حالا وأخطبهالك .. ولو مرضيتش يبقى خسرت إبداع يمشي على قدمين وهاشوف لك ست ستها ميهمكش ... انا عندي كام أبو العزم
سلام يا حبي
السلام عليكم
قصيدة جميلة جدا
وموهبه فاذة ربنا يكرمك
بس انا ليا استفسار بسيط
اتمنى انه ميزعلش حد منى
وهو اشمعنى لا للسكوت
هى الا بتهديها القصيدة ده سؤال برئ
واشمعنى ردها فى ناحية
وباقى الناس فى ناحية أتمنى توضيح
أولا:السلام عليكم ورحمة الله وبركاته
ثانيا:ردا على الأخ أو الأخت المجهول
الذى علق قائلا(Anonymous Anonymous said...
السلام عليكم
قصيدة جميلة جدا
وموهبه فاذة ربنا يكرمك
بس انا ليا استفسار بسيط
اتمنى انه ميزعلش حد منى
وهو اشمعنى لا للسكوت
هى الا بتهديها القصيدة ده سؤال برئ
واشمعنى ردها فى ناحية
وباقى الناس فى ناحية أتمنى توضيح
كان هذا كلامه وردى أنا وانه مصداقا لقول المصطفى صلى الله عليه وسلم ((لا تعينوا الشيطان على أخيكم))وودت مسبقا حتى وقبل أن أرى استفسار المجهول أن أضيف هذاالرد حتى لا يختلط الأمر على أحد القراء فلقد أهدانى الأخ الأستاذ محمود القصيدة لأنى كنت قد اقترحت عليه الفكرة ليس اكثرلانى كنت اتابع مدونته واقترحت عليه فكرة توظيف اشعاره لغاية وهدف نبيل وهو الحديث عن زوجة شهيد تضامنا مع غزة
وهذا التوضيح من باب عدم إعانة الشيطان على بعضنا البعض
أما بالنسبة لموضوع ردى فى جانب وباقى القراء فى جانب آخر فلربما لنفس السبب أنى فقط اقترحت الفكرة وأترك للأخ محمود حرية الرد على تلك النقطة وأشكر المجهول الذى كان استفساره فى محله حتى يتم التوضيح
وأعتذر على الإطالة وجزاكم الله خيرا
السلام عليكم ورحمة الله
Anonymousالأخ أو الأخت
أولا مفيش زعل سؤال متوقع لأن دي أول قصيده أهديها لأحد
شكرا كثيرا علي مرورك
لا للسكوت
الأخت خديجه عبد الله
أعجبني ما أوردت بردك من حديث
وبالنسبه لكون ردك في ناحيه والردود الأخرى في ناحيه .. لأني وددت لو أعرف هل ما كتبت قد شمل ما تصورتي أني سأكتبه أم لا؟
لأنك طلبتي الكتابه عن زوجة شهيد ولأني لست ممن يكتبون حسب الطلب .. عايشت موقفا وحاولت سرد جميع أحداثه .. والتي أتمنى من الله أن تكون دافعا لنا جميعا إلى نصرة إخواننا في فلسطين كلها
شكرا لمرورك ... تحياتي
انت قلتلي الترجمه هتنزل امتي هههههه
الصراحه يا حووووده والله ابدعت فهزيت المشاعر والاحاسيس الراكده
بجد تحفه عجبني البيت ده الصراحه
فمهـمـا تـطـول الـلـيـالـي بـنـا ... فلابـد يـدنـو إلـيـنا الـبعـيـد
اللهم امين
بس انا ملاحظ انه ناقصه حاجه فلابد ان
هههههه وبعدين لما بتنسي بييييييييت في قصيده هتعمل ايه في الباطنه يا لهوي يا لهوي
حمد الله علي سلامتك
مافيش زعل ولا حاجه ان شاء الله يا فرج
انا اسف بس
اذا كنت ضايقتك او قلت حاجه زعلتك
احنا اخوات
مش كده برضضه ولا ايه؟؟
ازيك محمود
انا متاخرة جدا جدا عالتوبيك دا وعالرد كمان
وبما انى اختك الصغيرة فهتستحملنى
بس انت مش متخيل سعادتى وانت بتلقى القصيدة وانا بتابعها وراك فى الليفلت بتاعة القصايد والاقيك استخدمت اسمى
لو الاقى ايموتيكون الاحتفال كنت استخدمته :))
بجد تقدمت كثيرا ربنا يبارك
وبنشكر اختنا العزيزة خديجة لطلبها من محمود وانه قدر يوصف طاقته فيها
ربنا يبارك
وبجد بشكر فيكم اخوتك انت ومصطفى لانها من جعلتنى اصدع للتقديم رغم البرد وسبحان الله مسلكتش بس الا اثناء الملتقى
وبعدين اعداد ايه اللى انا شاركت فيه ؟؟
دا انا يادوب جيت وبقولكم مش قادرة اقدم كمان
ربنا يبارك فيكم شباب
بجد انتم اللى رفعتوه بحماسكم
الحمد لله
ما شاء الله لا قوة إلا بالله
طبعا متأخرة جداااا في الرد على المدونة
بس بجد القصيدة روعة روعة روعة
الإحساس فيها صادق عميق
لقد أخذت بلبّ كل من يقرأها
.....
كل ما تقرأها تزداد
من قراءتها رقة في قلبك
وإحساس بنقاء وصفاء
وسكينة في روحك
بارك الله لك في ما وهبك
وجزاك الله خيرا على ما كتبت
ورزقنا الله الشهادة في سبيله
.....
ننتظر مزيد إبداعك
وفقك الله
السلام عليكم ورحمة الله..حقيقة يا دكتور قصيدتك اروع من ان تحويها كلمات الثناء ..واذكر اني ذكرت رايي فيها في المعرض..ولكن لي تعليق لغوي بسيط تعجبت جدا انه لم يعلق عليه احد شعرائنا المبدعين..لدرجة اني حسيت ان انا اللي غلط ..بس كل لما اقرا القصيدة الحته دي بتقف في زوري.."فما غاب يوما بداري" الحفيقة الباء للموجود فلا يذكر معها الغياب..انا فهمت انه ماغابش يوما بدارها يعني عمره ما اتاخر في البيت..عن الجهاد مثلا او اي شيئ انت ما ذكرتش عن ايه..واقترح ان تكون "فما غاب يوما عن الدار"..وفقك الله .وحكاىة نسيان البيت كانت اروع مافي الملتقي .جميل ان الواحد يتحط في موقف محرج وما يكسرهوش لا ياخده ببساطة شديدة..تمانياتنا بالتوفيق.
وألقى علي جبهتي قبـلـة ً ... ففاضـت عـيوني بدمع ٍ شـريـد
محاهُ وأوصى ألا فاصـبري ... فعن نصر قـدسي أنا لا أحـيـد
بيت رائع
كلمات سلسة
بجد حلوة مافيش كلام
us4her.blogspot.com
Post a Comment