كده نسيتي؟؟

بسم الله الرحمن الرحيم

مش عارف الحاله اللي فيها الأيام دي من ايه ؟؟
يمكن من آثار العدوان الغاشم لأوراق البابليك هلث (اللي بصراحه كلها هلس)والتي هجمت هجمه شرسه علي حياتي ولكن من يبالي

بدأت أكتب باللهجه العاميه ... مع اني مكنتش بعرف قبل كده خالص

كده نسيتي؟؟


كده نسيتي وفارقتي قلبي وهوايا
وسـبتي البعد يبقي لحبنا نهايـه
ليه متجيشي عشان أكتب بأشواقي
كلام قـلبي وأكمل حبنا روايه

تعالي وضيعي عذابي ... ياعمري وكل احبابي

بدمع العين أنا باكتب ... حنيني وشوقي وعتابي

كده نسيتي وسبتيني مع انيني
يعـذبني ويدبح حـبي وسنيني
لكن صورتك هتفضل لو يعدي العمر
بتملا كياني ومهما بعدتي تحييني

تعالي وضيعي عذابي ... ياعمري وكل احبابي

بدمع العين أنا باكتب ... حنيني وشوقي وعتابي

أنا مش ممكن أنسي الكلمه قلتيها
ده حـبك هـو دنيايا هاعـيش فـيها
ومهما لاقيت من الظلم وم القسوه
بـقربك ليا هانسى الكون وأعديها

تعالي وضيعي عذابي ... ياعمري وكل احبابي

بدمع العين أنا باكتب ... حنيني وشوقي وعتابي

ليه بس بعد الغرام كله كده نسيتي
هجرتي وانتي اللي جوه قلبي دقيتي
بأجمل حب في الدنيا سوا عشناه
وأجـمـل فـرح لما لـقـلبي حبيتي

تعالي وضيعي عذابي ... ياعمري وكل احبابي

بدمع العين أنا باكتب ... حنيني وشوقي وعتابي